Компанијата Tesla остави зад себе навидум многу успешна година, забележувајќи рекорден профит благодарение на одличната продажба на електричните камиони и спортските модели на нивниот Roadster. Сепак, не беше сѐ така сјајно како што изгледа на прв поглед.
Производството на автомобилот Model 3 засега се покажува како многу тешка задача за Tesla, и поради доцнењето на производствениот процес, Tesla забележа загуба од 2 милијарди долари во минатата календарска година.
Од Tesla инсистираат дека сето тоа ќе биде нормализирано до средината на 2018 година, кога би требало да ја достигнат бројката од 5.000 произведени автомобили неделно.
Tesla ги објави бројките за минатата година, во која компанијата заработила 3,3 милијарди долари од продажба на автомобили и камиони, но исто така забележала загуба од 771 милион долари во последниот квартал од 2017 година, што е најголемата загуба во еден квартал уште од основањето на компанијата. Вкупната загуба на Tesla за 2017 година изнесува 2,24 милијарди долари, што претставува значително зголемување во однос на 773-те милиони долари од 2016 година.
Минатата година беше многу успешна за Tesla, со лансирањето на моделите Semi truck, Roadster и Model 3, како и буквалното лансирање на Tesla Roadster во вселената. Но, имаше и падови: лошиот квалитет на раните верзии на Model 3, обвинувањата околу малата грижа и безбедност за вработените во октомври, како и проблемите со производството на нивниот Model 3, кои се должат на сѐ уште неусовршената работа на нивната Gigafactory.