Како никогаш досега битката за градоначалник на Тетово е тесна и неизвесна, а калкулациите врз основа на сегашните резултати велат дека промена на локалната власт е извесна.
По 100% преброени гласови во Тетово води актуелната градоначалничка Теута Арифа, која патем бара од гласачите трет мандат, но нејзината предност е многу мала.
Арифи, кадар на ДУИ, води со 11.138 гласови (или 29,04%) пред Биљал Касами од Беса кој има 10.496 гласа (или 27,37%). Овие двајца ќе се борат во вториот круг.
Но, на третото место со 6.165 гласови (или 16,08%) е Вулнет Мурсели од Алијанса и Алтернатива, гласови кои во вториот круг се очекува да се прелеат кај кандидатот на Беса. Таквиот развој на настаните би направил голем пресврт.
Трет со 3.840 гласови (или 10,01%) е Сади Беџети, исто така гласови кои може да го одлучат победникот бидејќи нејасно е каде би се распределиле.
Хамдија Елезовиќ од СДСМ освои 2.373 глас (или 6,19%), а за очекување е овие гласачи во вториот круг да ја поддржат кандидатката на ДУИ, коалиционен партнер на СДСМ.
Снежана Стојановска од Интегра освои 1.989 гласови (или 5,19%), додека Африм Ибраими од ДДП е последен со само 378 гласови (или 0,99%).