Еден едноставен тест со помош на лимонов сок може да открие дали личноста која го прави тестот е екстроверт или интроверт.
Секој инстинктивно знае дали е интроверт или екстроверт - и двете опции се ок. Иако интровиртите почесто ќе треба да одговараат на непријатните прашања „А зошто секогаш молчиш?“, „Зошто не доаѓаш да играш“ и слично, екстровертите се помалку досадни бидејќи цело време џагорат и секогаш се таму каде што е акцијата. Но, дали некој е интроверт или екстроверт може да се открие и со тест со лимон. За само една минута можете да извлечете заклучоци за нечија (или вашата) личност.
Ви треба:
- сок од лимон
- памучно стапче за уши
- конец
Постапка:
1. Ставете го едниот крај од памучното стапче на јазикот и држете го таму 20 секунди.
2. Потоа ставете малку сок од лимон на јазикот и проголтајте го. Внимание: не го голтајте стапчето што сѐ уште ви е во устата!
3. Извадете го стапчето од устата, завртете го и сега притиснете го другиот, сув крај на јазикот 20 секунди.
4. Врзете конец околу средината на памучното стапче.
Резултат:
Ако сега го ставите стапчето пред вас, потешкиот крај што виси дава информации за вашата личност: ако крајот што бил изложен на сок од лимон виси надолу, тоа значи дека сте повеќе интроверт. Од друга страна, ако памучното стапче остане хоризонтално, тогаш веројатно сте екстроверт.
Ова може да се објасни на следниов начин: постои дел од мозокот кој е стимулиран од социјалните контакти, како и од внесувањето храна. Научниците тврдат дека интровертите имаат зголемена активност на мозокот во оваа област. Ова пак води до зголемена саливација кај интровертите кога се изложени на стимули.
