Тестот беше спроведен на патеката Нардо во Италија како дел од последните тестови на новиот модел Porsche 911 GT3.
Тешко заработената репутација низ историјата, Porsche ја одржува со тоа што секој модел го подложува на ригорозни тестови пред лансирањето.
Така, новиот 911 GT3, како дел од тестот за издржливост на моторот помина 5.000 километри со константна брзина од 300 километри на час, а тестот беше накратко прекинат само за полнење гориво.
Тестот беше изведен на познатата кружна тест-патека Нардо во Италија, чија должина е 23 километри. Автомобилот мина околу 217 круга на оваа патека за нешто повеќе од 16 часа.
Porsche пред завршните тестови го тестираше моторот во различни работни услови, а на тестовите беа потрошени дури 22.000 работни часови.
Новиот 911 GT3 имаше премиера во февруари 2021 година.
Го напојува 6-цилиндарски 4,0-литарски атмосферски бензинец кој „врти“ до 9.000 вртежи во минута.
Моторот произведува 510 коњски сили (375 kW), што е доволно за забрзување од 0-100 км/ч за 3,4 секунди и да развие максимални 320 км/ч.
Продажбата започнува во мај, а почетната цена е околу 152.000 евра.
