Ставањето тетоважа каде било на телото е голема одлука и голема одговорност.
Без разлика дали ви е прва или сто и прва тетоважа, мерките на претпазливост се исти, но сепак има разлика на кој дел од телото ја ставате тетоважата во поглед на болката.
Тату артистите велат дека тетоважите на уво се сѐ попопуларни, но исто така и едни од најболните за правење. Кожата на овој дел од телото е многу чувствителна и се наоѓа многу блиску до коската (од истите причини слично боли и ставање тетоважа на глужд).
Со оглед на тоа колку боли аплицирањето на тетоважата, тату артистите прават повеќе паузи додека ги работат, без разлика колку е комплициран дизајнот.
Ако одлучите летово да ставате тетоважа, се препорачува 24 часа пред да седнете на столче во тату салонот да не пиете аспирин бидејќи овој лек го зголемува крварењето.
Повеќе за негата на тетоважата откако ќе ја направите, погледнете во видеото на тату артистот Ромео Лакост.