TikTok почна да додава копче dislike („не ми се допаѓа“) на видеата на For You Page.
Уште од објавувањето во 2016 година, TikTok постојано иновира и носи нови функции во својата апликација за видеа во кратки форми.
Сега, апликацијата почна да добива уште една функција, која им овозможува на корисниците да комуницираат со видео клипови, а многумина беа шокирани од овој потег.
Кон крајот на декември, корисниците почнаа да забележуваат ново копче на десната страна на видеото. Сместено директно под копчето favorite, сега има опција dislike со слика со палец надолу.
Копчето е дизајнирано да помогне да се приспособи For You Page со правење алгоритамска белешка кога не сакате да видите видео што не ви се допаѓа или слично, без оглед на типот на содржина.
Копчето dislike не е достапно за секого, но оние кои можат да го видат се прилично шокирани од новиот додаток.
„ОМГ, сега можете да ‘дислајкнете’ видео на TikTok - зошто воопшто би додале нешто такво?“, рече еден корисник.
Omg you can dislike videos on TikTok now like why would they even add that 😭 pic.twitter.com/JHVE83QUFZ
— samantha•| Finn Wittrock Follows!~🍩✨ (@Wittrock_Peters) January 1, 2025
Друг корисник го истакнал дека случајно го кликнал копчето dislike наместо favorite - сосема спротивно од она што го замислил.
excuse me?!!! why they added a dislike button under saved button on tiktok?!!! i end up disliking a video instead of adding it to my favourites pic.twitter.com/pxRCrg08Fv
— al🥨 (@bemyplavelist) December 31, 2024
Функцијата dislike доаѓа само неколку недели пред TikTok потенцијално да биде забранет во САД, на 19-ти јануари.
