Популарната апликација за споделување кратки видеа, TikTok, ја надмина границата од милијарда корисници.
Од TikTok соопштија дека месечно имаат над милијарда корисници, што е навистина импресивна бројка за платформа покрената во август, 2018 година и која неколку пати се најде на удар на властите меѓу кои и американската влада.
Владите се загрижени околу праксата на собирање податоци на TikTok од матичната компанија ByteDance.
Популарноста ненадејно порасна во текот на пандемијата со коронавирусот и стана апликација со најмногу преземања во светот, во првиот квартал во 2020 година.
Приходот на ByteDance во 2020 порасна скоро двојно во однос на претходната година, на 34,3 милијарди долари. Откако се најде на пазарот, TikTok забележа 3.2 милиони инсталации вклучувајќи ја и апликацијата Douyin, која е негова кинеска верзија.
Во јуни годинава ByteDance на пазарот вредеше 425 милијарди долари.