Популарната платформа TikTok воведе нови правила за контрола на времето на користење на апликацијата, како и водич за „благосостојбата“ на тинејџерите кои ја користат.
Целта на новата алатка е да им помогне на корисниците да го контролираат времето што го поминуваат користејќи ја апликацијата. Со оваа измена, компанијата воведува нов контролен панел во апликацијата кој подетално ќе следи колку долго и често се користи апликацијата.
Ќе содржи статистика за времето на користење, кога апликацијата најчесто се користела, како и колку често се покренува/отвора.
Корисниците на TikTok ќе можат да постават временско ограничување за користење на апликацијата откако ќе ја отворат.
Претходно, апликацијата нудеше контрола на времето на користење на апликацијата кое истекуваше по одреден временски рок, но новите поставки им овозможуваат на корисниците да добијат предупредување, односно да ги потсетуваат доколку ја држат отворена подолго време.
Промените доаѓаат откако TikTok и слични апликации се соочија со проблеми кои ги засегаат тинејџерите. Претходно годинава, Сенатот на САД објави нацрт-закон со кој ќе се зголеми проучувањето на зависноста од социјалните мрежи во обид да се постават повеќе „заштитни огради“ за заштита на помладите корисници.
TikTok сега воведува дополнителни ограничувања за времето на користење на апликацијата за тинејџери на возраст од 13 до 17 години. Отсега па натаму, тинејџерите ќе добиваат „дигитални прашања за благосостојба“ и ќе добиваат дополнителни потсетници за времето кога ја користат апликацијата откако ќе поминат повеќе од 100 минути дневно користејќи ја.