Кој е најлош град во секоја европска држава? Оваа тема дојде на ред на профилот на популарниот литвански тиктокер чиј избор предизвика лавина реакции на оваа социјална мрежа.
Тиктокерот MapOfGeography го објави своето најново дело „The worst city in each European country“, во кое од секоја држава го одбрал најлошиот град за живеење и за туризам.
Од Македонија најлош град е Тетово. Градот под Шара очигледно остава крајно лош впечаток кај секој странец што ќе го посети, па успеал да ги победи останатите македонски градови и да се здобие со епитетот најлош во оваа категорија. И не сме изненадени...
Тетово редовно се наоѓа на листата градови со најзагаден воздух во земјава, а пред неколку години тетовци цело лето се гушеа во реата и огромните количини отпад кои се насобираа по улиците, за што прстот беше вперен во Јавното комунално претпријатие. Навистина штета, со оглед на тоа дека Тетово има што да понуди, културно и гастрономски, кога не е жртва на политички игри поради кои цвета градежната мафија и никој не одговара за загадувањето.
Од околните држави, најлош во Грција е Кукуш, во Албанија е Елбасан, во Бугарија е Варна, на Косово е Митровица, а изненадувачки во Србија е главниот град Белград. Во Босна и Херцеговина е Зеница, во Хрватска е Ѓаково, во Словенија е Цеље.
Од попознатите градови, неславни победници се Фоџа (Италија), Франкфурт (Германија), Мурсија (Шпанија), Лисабон (Португалија), Марсеј (Франција), Даблин (Ирска), Коња (Турција), Острава (Чешка), Хул (Англија), Базел (Швајцарија), Припрјат (Украина) и Норилск (Русија).
@mapofgeography The worst city in each European country #foryou #fyp #europe #geography #maps ♬ original sound - MapOfGeography