Веќе втор месец по ред, познатиот магазин „Time“, објавува провокативна илустрација од американскиот претседател Доналд Трамп, на својата насловна страница.
Овој пат, тоа е графички приказ, кој ги илустрира ликовите на Трамп и рускиот претседател Владимир Путин, споени во еден лик.
Во спојувањето на двете лица, може да се забележи препознатливата фризура на Трамп, како и обликот на устата, кои се споени со носот на Путин и неговите сини очи.
„Неверојатната фото илустрација е дело на визуелната уметничка Ненси Барсон, и претставува специфичен момент од американската надворешна политика, после историската средба помеѓу Трамп и Путин во Хелсинки“, пишува „CNN“.
И претходната насловна страница на „Time“, предизвика бројни полемики во американската јавност, бидејќи на неа повторно се најде Трамп навален врз мало девојче, кое е илегален мигрант од Мексико, едно од најмалку 2.500 деца, кои се одделени од родителите, токму поради политиката на Трамп.
