Екипата на Леброн Џејмс триумфираше над екипата на Кевин Дурант со удедливи 170:150 во Ол-Стар натпреварот ноќеска во НБА.
Играчите кои ги одбра Леброн беа многу подобри на паркетот и сосема заслужено однесоа убедлив триумф ноќеска во „Стејт Фарм“ арената во Атланта.
За МВП на Ол-Старот беше прогласен Гркот Јанис Адетокумбо кој уфрли 35 поени и тоа без да промаши од игра (13/13 за два и 3/3 за три поени) со што и постави нов рекорд на Ол-Стар натпреварите.
Сјајна партија имаа и Демиен Лилард и Стеф Кари кои завршија со 32, односно 28 поени.
Во редовите на поразената екипа Бредли Бил уфрли 26 поени, додека Кајри Ирвинг даде 24.
За леброновата екипа настапија и Никола Јокиќ (6 поени, 7 скокови, 5 асистенции) и Лука Дончиќ (8 поени, 3 скока, 8 асистенции), додека кај Дурант играше Никола Вучевиќ (5 поени, 7 скокови, 1 асистенција).
