Напаѓач во Турција избодел пет лица кои седеле во градината на џамија во градот Ескишехир. За време на нападот носел кацига, маска и панцир. Две жртви се во критична состојба.
Турската полиција уапси 18-годишен маж, јави денеска државната новинска агенција Anadolu, повикувајќи се на Reuters.
Турските медиуми објавија видео направено, наводно, од самиот напаѓач додека брза низ областа каде што се наоѓа џамијата. На видеото се гледа како луѓето бегаат додека тој им се приближува. Anadolu наведува дека младиот човек нападнал група луѓе под влијание на видео игрици, но не наведе извор за тврдењето.
Министерот за внатрешни работи Али Јерликаја изјави дека полицијата го уапсила осомничениот по, како што рече, случаен напад. Властите започнаа истрага за инцидентот.
