Тенис
АВСТРАЛИЈА ОПЕН 2020

Тинејџерското торнадо коси шампионки: Коко Гоф ја детронира и Осака

24. јануари 2020 - 13:20 | МИА/КАЈГАНА

Тинејџерката Коко Гоф од САД ја елиминираше минатогодишната шампионка Наоми Осака од Јапонија во третото коло на Австралија Опен.

15-годишната дебитантка на Мелбурн Парк триумфираше против Осака со 6:3, 6:4 за 67 минути ира.

Американката го зеде првиот сет со еден брејк во осмиот гем. Во вториот дел, двете разменија рано брејкови, но во седмиот гем, Гоф повторно победи на сервис на противничката и тоа се покажа како пресудно.

На Јапонката не ѝ беше денот - направи 30 неизнудени грешки и освои само 33 проценти од поените на втор сервис.

– Неверојатно е. Пред две години изгубив во првото коло кај јуниорките, а сега сум тука со жените и ја победив шампионката од минатата сезона. Јас го освоив првиот сет, остварив предност и во вториот. Сè уште не можам да верувам што се случува, прокоментира Гоф во своето интервју на теренот по натпреварот.

Тинејџерското торнадо веќе „покоси“ две шампионки: во првото коло беше подобра од Венус Вилијамс (2:0), а во второто ја победи Романката Сорана Кирсти (2:1).

Коментирај