Ѕвездата на хит серијата „Bridgerton“ Реге-Жан Пејџ им се придружи на актерите кои ќе бидат дел од „The Gray Man“, филм кој се очекува да биде најскапиот во историјата на оваа платформа.
Пејџ ќе се појави заедно со Рајан Гослинг и Крис Еванс. Оваа вест особено го израдува женскиот дел од публиката.
„Чекајте, овие тројца во ист филм? Не можам да дочекам. Ова ќе биде најдобриот филм на сите времиња. Толку убавина на едно место“, се дел од реакциите.
Во акциониот шпионски трилер покрај Пејџ, Гослинг и Еванс ќе ги видиме Били Боб Торнтон, Ана де Армас, Џесика Хенвик и Џулија Батерс.
Не е познато каква улога ќе толкува Пејџ, но филмот се темели според истоимениот роман на авторот Марк Гринеј од 2009 година.