Филмот „American Made“ со Том Круз во главната улога наскоро ќе почне да игра во кината ширум светот, но она за што најмногу се зборува околу овој филм е несреќата што се случи за време на снимањето.
На снимањето на филмот во Колумбија на 11 септември, 2015 година загинаа двајца пилоти, а нивните семејства сега ги тужат режисерот Даг Лиман (52) и главниот актер Том Круз (55).
Во тужбата стои дека режисерот и актерот сакале да снимаат многу опасни акробации во воздух со огромни брзини.
Неколку недели пред несреќата во која загина, едниот од пилотите им се јавил на продуцентите и им објаснил дека не може да издржи во такви услови и дека тоа е најопасниот проект на кој некогаш работел.
„Прашање на време е кога ќе се случи некаква несреќа“, напишал тој пред неговата смрт.
