Фудбалерот на Арсенал и репрезентативец на Гана, Томас Парти, неодамна премина во ислам и сега објасни зошто го направил тоа, откривајќи дека избрал и ново име.
Во разговор со ТВ водителката Нана Аба, тој потврди дека отсекогаш бил приврзан за исламот, но благодарение на неговата убава девојка Сара Бели, која е Мароканка, решил да стане муслиман, иако е роден како христијанин во источниот регион на Гана.
„Имам девојка која ја сакам, знам дека членовите на моето семејство ќе ме напуштат, но нема проблем... Пораснав со муслимани, па на крајот на краиштата тоа е исто“, изјави Парти.
Подоцна 28-годишниот играч од средниот ред рече дека веќе е оженет и дека неговото муслиманско презиме е Јакуб.
Томас Парти е роден во 1993 година, а претходно во кариерата играше за Атлетико, Мајорка и Алмерија.
Тој пристигна во Арсенал во 2020 година во трансфер вреден 50 милиони евра, откако „Топчиите“ ја платија неговата откупна клаузула. За репрезентацијата на Гана дебитираше во 2016 година и досега има собрани 40 настапи и 13 гола.
