Моника Белучи ќе глуми во комедијата „Mafia Mamma“, заедно со Тони Колет и Роб Хубел, во режија на Кетрин Хардвик. Режисерката е позната по хорор-романсата „Twilight“.
Во филмот станува збор за Американка од предградие која одеднаш станува наследник на мафијашкото царство на дедо ѝ. Таа ги предизвикува и туѓите и сопствените очекувања со одлуката да го прифати „семејниот бизнис“.
„Филмот ќе биде чиста забава, поддржана од солидна доза феминизам“, смета Колет.
Снимањето ќе започне на пролет, 2022 година во Италија.
