Вест Бромвич Албион денеска објави дека нивниот досегашен тренер Тони Пулис е отпуштен, по поразот од 4:0 во саботата против Челзи.
Во официјалната изјава од клубот стоеше дека Тони Пулис е отпуштен откако клубот одигра 11 кола во кои немаше победа.
ВБА се на 17 место на табелата во Премиер лигата, и со тоа се надвор од зоната за испаѓање, но поради загрижувачките резултати, велшкиот тренер беше отпуштен и негова замена ќе се бара веќе од утре.
„Ваквите одлуки не се лесни за донесување, но мора да се работи во интерес на клубот. Ние сме многу фокусирани на добрите резултати, а мора да се признае дека кон крајот на претходната, и почетокот на оваа сезона, нив ги немаше. Во име на целиот клуб би сакал да му се заблагодарам на Тони за неговата работа во клубот и му посакувам многу среќа во следните вработувања“, истакна претседателот на клубот, Џон Вилијамс.
Поранешниот тренер на Болтон, Гери Мегсон, ќе ја преземе функцијата додека клубот да одлучи дали ќе го задржи него или ќе бара друг тренер.