Дали сте знаеле дека постојат актери кои на големото платно никогаш не го користат својот вистински акцент? Изненадувачки, но има такви, меѓу нив и многумина познати.
Што е заедничко за Хју Џекмен, Ендрју Гарфилд, Кристијан Бејл и Тони Колет? Тројцата звучат многу различно во вистинскиот живот отколку на филм. И тоа нема врска со технологијата. Едноставно тие на филм не го користат нивниот вистински акцент, туку филмовите ги снимаат дури глумејќи го и гласот.
Така на пример, Хју Џекмен е Австралиец, но често на филм глумел лик кој имал британски акцент. Иако тој не зборува како Британците, веројатно лесно му е да го глуми акцентот со оглед на тоа што неговите родители во Австралија имигрирале токму од Островот.
Друг одличен пример е Кристијан Бејл, кој многумина го знаат како - Бетмен. Тој е роден и израснат во Велс, кој е една од четирите држави кои го сочинуваат Обединетото Кралство. Не зборуваат ист британски како Англичаните, но сличен, а имаат и свој велшки јазик. Оттаму, Бејл во Холивуд го менува својот акцент. И не, не му е роднина на Гарет Бејл.
