Доколку им се верува на овие приказни, тогаш вистината е посилна од фантастиката.
Кога станува збор за филмови кои на било кој начин се поврзани со вонземјани, веднаш помислуваме на научна-фантастика. И со право, бидејќи досега не е докажано дека постои живот надвор од нашата планета, па по таа логика секаде каде што има било каков вонземен живот веднаш се етикетира како научна-фантастика.
Тука некаде измеѓу спаѓаат филмовите кои се снимени според вистински настани, или инспирирани од нив, а вклучуваат вонземјани. Низ светот почнувајќи уште од антиката, има илјадници пишани и непишани приказни за средби со вонземјани од прв, втор и трет вид.
Веројатно најпозната е приказната за дрвосечачот Тревис Волтон кој на 5 ноември 1975 година во шума во Аризона бил земен во НЛО пред очите на неговите петорица другари. Филмот се вика „Fire in the Sky“ и е снимен според книгата „The Walton Experience“ која ја напиша самиот Волтон.
Филмови со ваква тематика има еден куп, а според WatchMojo помеѓу најдобрите 10 на сите времиња освен „Fire in the Sky“ се и „Hangar 18“, „Alien Autopsy“, „Battle: Los Angeles“, и „Communion“.
