Дали често ви се случува апликациите да ви „паѓаат“? Не само што не сте единствените, туку дури има и листа на најлоши апликации кога станува збор за стабилноста.
Во идеален свет, апликациите на нашите телефони би биле исклучително стабилни и би работеле без грешки. За жал, тоа не е светот во кој живееме, па често се случува некои едноставно да се исклучат и да нè вратат на почетниот екран.
Според истражувањето спроведено од Uswitch, најнестабилни се апликациите токму оние што ги користат најголемиот број луѓе, како Facebook и Tinder.
Во спроведената анализа, Uswitch разгледа голем број апликации, а потоа ги рангираше според бројот на пријавени проблеми врз основа на милион преземања секој месец, според извештаите и оценките на корисниците, но и според бројот на пребарувања на Google за проблемите на секоја од овие апликации.
Топ 10 најнестабилни апликации
YouTube
McDonalds
Tinder
Uber
Discord
Amazon
Првото место не изненадува, особено ако се земе предвид дека од своето основање, апликацијата беше „цицач“ на батеријата и неразумен потрошувач на позадински ресурси - најнестабилна апликација се покажа дека е Facebook.
Колку бара апликацијата за социјалната мрежа на Марк Закерберг најдобро говори фактот дека постои Lite верзија за уреди кои не можат да го издржат ова грабање меморија и ресурси, како и постојаните нотификации, а да не зборуваме за постојаното нарушување на приватноста и скандалите околу сервирањето реклами, кои дефинитивно придонесуваат оваа апликација да е на врвот на листата.
Она што изненадува е дека детето на Google, YouTube, е втора најнестабилна апликација, а својата позиција ја заслужи благодарение на најголем број случаи на „паѓања“ во текот на минатата година. Сепак, кога станува збор за пријавите за проблеми, Twitter е апсолутен рекордер, со 195 пријави на милион преземања, но само благодарение на другите параметри не се најде на повисока позиција.
Благодарение на методологијата што ја користеше, Uswitch успеа и да ги преврти резултатите, односно од нив да заклучи и која апликација најмалку „паѓа“, а тоа е Zoom.
Ова е резултат за голема пофалба, особено ако земеме во предвид дека Zoom мора да одржува стабилна услуга со цел корисничкото искуство да биде на ниво, како и да не дозволи ограничените ресурси и менаџерите на батерии да предизвикуваат големи проблеми за време на важни разговори. Се разбира, тоа е болката на сите популарни апликации, но очигледно е дека никој не е толку успешен како Zoom.