Речиси и да нема личност која нема профил на социјалната мрежа Instagram, а по бројот на следбеници предничат јавните личности и познатите од сите сфери.
Instagram е социјална мрежа за споделување фотографии и видеа, денес во сопственост на американската компанија Meta. Апликацијата им овозможува на корисниците да поставуваат содржини што може да се уредуваат со филтри и да се организираат со хаштагови и географски ознаки.
Објавите може да се споделат јавно или со претходно одобрени следбеници. Корисниците можат да ја прелистуваат содржината на другите корисници по ознака и локација, да гледаат трендовски содржини како фотографии и да следат други корисници.
Ова е листата на 10-те профили на Instagram кои имата најмногу следбеници:
Трите сестри Кардашијан се во првите десет најследени профили на Instagram, а Клои е на 10-тото место. Таа има 295 милиони следбеници на оваа социјална мрежа и сѐ уште е многу далеку од нејзините две уште популарни сестри.
Веднаш пред Клои е популарната пејачка Бијонсе. Таа е позната по својата уметност, а со своите вокални способности ги поместува границите. Сепак, тоа не ѝ помогна да биде најследена на популарната социјална мрежа. Нејзиниот профил на Instagram е 9-ти најследен со 297 милиони следбеници.
На осмото место се најде најпознатата сестра Кардашијан. Таа прва го привлече медиумското внимание како пријателка и стилистка на Парис Хилтон, а потоа стана риалити ѕвезда.
Иако е најпознатата Кардашијан, судејќи според статистиката, не е најпопуларна. 346 милиони луѓе ја следат Ким на Instagram.
Во февруари 2019 година, популарната пејачка Ариана Гранде беше најследената женска личност на оваа социјална мрежа. Потоа ја претекнаа Кајли Џенер и Селена Гомес.
Американската актерка и поп ѕвезда ја надмина дури и риалити кралицата Ким Кардашијан, а на Instagram ја следат 357 милиони луѓе.
Двејн Џонсон, познат и како Карпата, е американски актер и поранешен професионален борач. Популарниот The Rock го зазеде шестото место на листата на најследени профили на Instagram. Тој може да се пофали со 365 милиони следбеници и титулата единствен актер на оваа листа.
Кајли Џенер, козметичкиот магнат и риалити ѕвезда, стана првата жена во светот која достигна 300 милиони следбеници на социјалната мрежа Instagram и до неодамна беше најследената жена на оваа мрежа. Сепак, со 380 милиони следбеници, Кајли и понатаму е најследената Кардашијан.
Кајли Џенер ја загуби титулата за најследена жена на Instagram. Нејзиниот трон го презеде пејачката и актерка Селена Гомес.
Таа моментално има 381 милион следбеници, а Кајли 380 милиони. Селена во 2019 година беше најследена на споменатата социјална мрежа. Потоа беше претекната од Ариана Гранде, па и од Кајли. Сепак, успеа да се врати на врвот.
Лео Меси, иако не е најследената личност на Instagram, ја има најпопуларната објава на сите времиња. Сепак, тој е роден да руши рекорди, па собори еден и на социјалните мрежи.
Имено, по освојувањето на Светското првенство во Катар, Меси објави 10 фотографии од прославата на чело со веќе иконската слика како го крева пехарот над публиката. Таа објава достигна повеќе од 75 милиони лајкови и го престигна популарното јајце.
Сепак, Instagram профилот на славниот фудбалер се најде на третото место на листата на најследени профили. Него го следат 432 милиони луѓе, а пред него има само два профила.
Славниот португалски фудбалер Кристијано Роналдо неодамна собори уште еден рекорд. Имено, со 550 милиони следбеници стана најследената личност на Instagram.
Роналдо, според некои проценки, само од Instagram и соработка со модни и спортски брендови заработува околу 2,3 милиони долари по платена објава.
Многумина не би очекувале дека на првото место на оваа листа не е ниту една позната личност, туку профилот на самиот Instagram. Instagram на својот профил ги забавува своите 607 милиони следбеници со различни забавни содржини кои се објавуваат.