Иако кога ќе се спомне зборот облакодер повеќето веднаш ќе помислат на Њујорк, вистината е дека дури 70% од овие огромни згради се наоѓаат во Кина, а интересен е податокот дека на оваа листа нема ниту еден европски град.
Треба да се биде прецизен и да се каже дека не може секоја висока зграда да се нарече облакодер. Повеќето архитекти се согласуваат дека 150 метри е минималната висина за некоја зграда да може да се окарактеризира со ова име. Врз основа на тој критериум, Хонгконг е светска престолнина на облакодерите. Овој источноазиски град е дом на речиси 550 згради кои достигнуваат над 150 метри висина. Од тие згради, Меѓународниот трговски центар е највисок и достигнува висина од 484 метри.
Шенжен во Кина ја има втората најголема концентрација на високи згради на оваа листа. Иако располага со речиси 200 облакодери помалку од Хонгконг, неговата највисока зграда е поимпресивна. Меѓународниот финансиски центрар Пин Ан висок 600 метри е петти највисок облакодер на Земјата. На третото место е Њујорк во САД, а четврти е Дубаи во Обединетите Арапски Емирати - и двата имаат облакодери повисоки од највисокиот во Хонгконг. Светскиот трговски центар 1 во Њујорк е висок 541 метар, а Бурџ Халифа во Дубаи се издигнува 828 метри, што ја прави највисока градба на Земјата.
Вака изгледа комплетната листа на топ 25 градови со најмногу облакодери во светот:
- Хонгког, Хонгконг - 546 облакодери
- Шенжен, Кина - 351 облакодер
- Њујорк, САД - 303 облакодери
- Дубаи, ОАЕ - 241 облакодер
- Шангај, Кина - 180 облакодери
- Гуанчоу, Кина 175 облакодери
- Токио, Јапонија - 167 облакодери
- Куала Лумпур, Малезија - 153 облакодери
- Чункин, Кина - 140 облакодери
- Чикаго, САД - 134 облакодери
- Вухан, Кина - 119 облакодери
- Ченгду, Кина - 113 облакодери
- Џакарта, Индонезија - 110 облакодери
- Бангкок, Тајланд - 109 облакодери
- Шенјанг, Кина - 97 облакодери
- Сингапур, Сингапур - 94 облакодери
- Сеул, Јужна Кореја - 82 облакодера
- Мумбај, Индија - 81 облакодер
- Бусан, Јужна Кореја - 77 облакодери
- Торонто, Канада - 77 облакодери
- Тијанџин, Кина - 74 облакодери
- Нанинг, Кина - 74 облакодери
- Нанкинг, Кина - 68 облакодери
- Мелбурн, Австралија - 68 облакодери
- Панама, Панама - 66 облакодери
