Овогодинешниот Mobile World Congress во Барселона имаше свои трендови кои ќе го одбележат претстојниот период во мобилната технологија. 5G скокна од дупка, интернетот на нештата има карта за влез, но доаѓа вештачка интелигенција на мобилните, претставен е голем број на мобилни и доаѓа нова димензија на екрани на мобилните.
5G технологија
По минатогодишниот конгрес кој го одбележаа VR додатоците на сите штандови, оваа година Mobile World Congress во Барселона го одбележа 5G технологијата која можеше да се види речиси на секој чекор како најбитен тренд. 5G претставува поголема брзина на пренос на податоци низ мобилните мрежи, а јапонскиот NTT DoCoMo на саемот постигна брзина од околу 15 Gbit/s во даунлоуд.
Смислата на петтата генерација на мобилната телефонија секако се поголемите брзини, но главната причина за ова се сè поголемите количини на податоци кои се пренесуваат преку видео сервисите како и подготовката за поширока примена.
Сепак, со 5G се врзува и еден проблем, а тоа е регулативата која не е спроведена за да се овозможи работа и поставување мрежи во фрекфенциски подрачја кои се потребни. Па, за 5G да почне да се користи во реалноста, тоа нема да се случи толку брзо, туку ќе ни бидат потребни уште неколку години.
Интернет на нештата (IoT)
5G технологијата е важна и за развој и користење на Internet of Things уредите кои ќе се наоѓаат на секој чекор околу нас, на улиците, во земјата за потребите на земјоделството, во домовите, па дури и во автомобилите.
Вештачка интелигенција (АI) во мобилните
Вештачката интелигенција конечно ќе ги направи паметните телефони паметни. До скоро, за паметни телефони се сметаа телефоните кои беа во можност да извршуваат повеќе операции. Новите модели како LG G6, HTC U Ultra, новиот Samsung Galaxy S8 ќе ги следат нашите навики и навремено ќе ни сугерираат разни операции за да ни го забрзаат нашиот животен ритам и на време да спречат доцнење, да најдат поволна цена на производи и слично.
Поголеми екрани на помали површини
Мобилните телефони добиваат поголеми екрани на помали површини - трендот го започна Xiaomi уште минатата година со моделот Mi Mix, но дури сега добива вистински залет низ уредите кои се претставени и оние кои ги очекуваме годинава.
Нови пропорции на екраните
На мобилните доаѓаат екрани кои ќе имаат пропорции од 18:9 oдносно 2:1, што ќе овозможи целосно нов пристап на камерите, вебот и полесно држење на телефоните во рака, секако со поголеми екрани кон кои корисниците стануваат незаситни.
