За совршено варосана просторија потребна е трпеливост и познавање на деталите за овој процес. Овие совети ќе ви овозможат да ги постигнете најдобрите можни резултати.
Првото нешто кое треба да го направите кога го подготвувате ѕидот за варосување е да ги пополните пукнатините. Нанесете два слоја смеса од гипс на проблематичните области.
Откако смесата ќе се исуши, нежно израмнете ја површината со стругалка додека не стане мазна. Можете да користите и шмиргла.
Со крпа избришете ја прашината од ѕидот.
Пред да започнете со варосување, извадете го целиот мебел од собата или преместете го на средина за да не ви пречи. Со лента залепете ги рабовите на ѕидовите и покријте го подот со најлон.
Изберете боја заснована на доминантната боја на мебелот во собата. Бојата на база на вода главно се користи на тавани и ѕидови. Боја на база на масло, која е потрајна, се користи за столарија.
Една кофа со боја е доволна да покрие од 80 до 100 квадратни метри. Се разбира, доколку има некакви отстапки, продавачот ќе ве упати подетално. Секогаш варосувајте од горе надолу.
Треба да користите прајмер боја за внатрешни ѕидови ако имате пополнето нерамнини или ако варосувате над постоечка боја која е потемна.
Имајте предвид дека четките се користат за варосување на рабовите на ѕидовите и таваните, како и околу лајсни и рамки на прозорци. Ваљаците се брз и ефикасен начин за покривање на големи површини.
Бидете сигурни дека просторијата е добро проветрена во текот на целиот процес на варосување. Вентилаторите исто така можат да бидат корисни.
Некои простории можат да се варосаат за неколку часа, но за други може да биде потребно значително повеќе време. Секогаш обезбедувајте повеќе време отколку што мислите дека ќе ви треба.
Четките со кои сте нанесувале боја на база на вода треба да ги измиете со вода и сапун. А, оние со кои сте нанесувале маслена боја усперете ги со разредувач.
Потребни алатки:
- четки
- ваљаци
- крпи
- опрема за чистење
- заштитен најлон
- скала
- контејнер за боја
- боја
- стругалка за израмнување на ѕид
- прајмер боја за внатрешни ѕидови
Потребен материјал:
- мешавина од гипс
- самолетлива лента
- шмиргла