Оние што мислат дека New 500 е најмалиот електричен автомобил на FIAT, не се баш во право, бидејќи италијанскиот производител го претстави Topolino.
Topolino е всушност тежок електричен четирицикл кој наскоро ќе се продава на европските пазари како италијанската верзија на францускиот Citroën Ami и германскиот Opel Rocks-e.
Topolino е италијански збор за Мики Маус, кој се користел како име за оригиналниот модел на FIAT 500 од 1936 година. Всушност е деминутив на зборот topo (глушец) и значи глувче. Новата итерација е инспирирана од поубавиот и „поновиот“ FIAT 500 од 1957 година, а има тркалезни фарови, платнен покрив, ретро подвижни покриви, нежна боја на каросеријата и јажиња наместо врати, додека нема прозорци. Седиштата добија светол тапацир.
FIAT не објави технички детали, но јасно е дека се работи за Citroën Ami со различни панели, па најверојатно ќе биде придвижуван од електромотор кој испорачува 8 КС и дозволува ограничена брзина од 45 км/ч. Досегот е 70 км со едно полнење на литиум-јонската батерија со капацитет од 5,5 kWh.
Од FIAT велат дека електричното градско возило е „направено од радост, оптимизам и забава“, што значи дека „ќе им пружи мобилност и слобода дури и на најмладите клиенти“. Тинејџерите во Европа можат легално да возат тешки четирицикли на возраст од 14 или 16 години, во зависност од локалните закони.
Продажбата на Topolino се очекува наскоро, а пред тоа повеќе информации и фотографии. Сепак, едно е сигурно, Topolino може да стане вистински продажен хит доколку цената е соодветна.
