Торино го претстави Елмас, ќе ја носи 11-ката

Елиф Елмас и официјални му се придружи на калчолигашот Торино, откако успешно ги мина лекарските прегледи.

Торино денеска со промотивно видео го претсатави македонскиот репрезентативец, потврдувајќи дека доаѓа на позјамица до крајот на тековната сезона со опција за откуп на неговиот договор од Лајпциг.

„Сите во Торино ФЦ го пречекуваме со најтопло добредојде: добра работа, секогаш напред Торо!“, порача од клубот.

„Презадоволен сум што сум тука, ќе се видиме наскоро. Напред Торо“, се првите зборови на Елмас во дресот на популарните „Граната“.

Елмас во Торино ќе го носи дресот со бројот 11.

Можност да дебитира, доколку тренерот Паоло Ваноли одлучи дека е подготвен, ќе има в сабота кога Торино ќе има тешко гостување во Бергамо против Аталанта. Доколку тоа не се случи, наредната моижност ќе биде на 9 февруари кога во Торино ќе гостува Џеноа.

Според календарот, Елмас на 27 април ќе гостува кај својот поранешен клуб Наполи, со кој освои Скудето и една Копа Италија.