Големо невреме беснееше долж Јадранскиот брег, а страшни снимки доаѓаат од Далмација каде на видео е фатено и торнадо.
Аматерските снимки од жителите на Примоштен ја шокираа Хрватска. На нив се гледа како невремето кое беснее во Јадранското Море крај ова мало гратче формира нешто што личи на Торнадо.
Dalmacija Danas јавува дека во делови на регионот наврнале и до 89 литри дожд на метар квадратен. Силните ветрови направиле и големи штети долж крајбрежјето бидејќи предизвикале огромни бранови.
Она што ги вознемири сите се снимките направени од малото гратче Примоштен каде се гледа како во морето беснее торнадо.
Примоштен има скоро 3 илјади жители и се наоѓа помеѓу Шибеник и Трогир на Јадранскиот брег.
