Торонто е казнет со 25.000 долари од страна на НБА поради непочитување на правилата на лигата за регулирање на одмор на играчи.
Репторс решија да ги одморат Кајл Лаури, Паскал Сјакам и Оу Џеј Ануноби во победата против Орландо Меџик во петокот, и покрај фактот дека сите тројца играчи беа здрави.
Поради пандемијата на коронавирусот, лигата им дозволува на играчите ветерани да пропуштат еден од два натпревари доколку тимот одигра два натпревара за два дена, особено во натпреварите што не се емитуваат на националната телевизија.
Сепак, Репторс немаа настап од средата, па на тројцата играчи не им следуваше одмор.