Репторс ја остварија најголгата низа победи на сите канадски екипи во НБА откако ноќеска ја совладаа Минесота.
Во „Скошабенк“ арената во Торонто, Репторс стигнаа до петнаесеттата последователна победа откако триумфираа над гостите од Минесота.
Камерунецот Паскал Сјакам со 34 поени беше најефикасен, а и наредните двајца кои постигнаа најмногу поени беа негови соиграчи од Торонто. Кајл Лаури постигна 27, додека Огугуа Ануноби 25. Кај гостите Карл-Ентони Таунс дојде до 23.
Со оваа победа Торонто не само што стана канадска екипа во НБА со најмногу победи по ред, туку и канадска екипа во било кој спорт. Претходниот рекорд на екипите од северот му припаѓаше на Калгари Стампидерс, тим кој се натпреварува во КФЛ во американски фудбал.
Ниту трипл-даблот на Домантас Сабонис не ѝ помогна на Индијана да избегне домашен пораз од Бруклин. Литванецот постигна 23 поени, 10 скокови и 11 асистенции, а гостите триумфираа со само еден поен разлика. Кај нив најефикасен беше Спенсер Динвиди со 21 поен.
Резултати:
Детроит Пистонс - Шарлот Хорнетс 76:87
Индијана Пејсерс - Бруклин Нетс 105:106
Орландо Меџик - Атланта Хокс 135:126
Торонто Репторс - Минесота Тимбервулвс 137:126
Милвоки Бакс - Сакраменто Кингс 123:111
Далас Старс - Јута Џез 119:123
Денвер Нагетс - Сан Антонио Спарс 127:120
Голден Стејт Вориорс - Мајами Хит 101:113
Лос Анџелес Лејкерс - Феникс Санс 125:100