Франческо Тоти, најголемиот играч во историјата на Рома, даде одлично интервју за La Gazzetta dello Sport. Во него, меѓу другото, го пофали новиот тренер на римскиот клуб, португалскиот стручњак Жозе Мурињо.
„Сега сме во раните фази на сезоната и тешко е да се прават предвидувања, но мене веќе многу ми се допаѓаат некои работи“, започна славниот капитен и додаде: „Самиот факт дека Мурињо ја избра Рома кажува нешто. Тој е многу флексибилен тренер. Сите нѐ освои и има харизма, играчите го следат и го слушаат. Нема сомнение дека тој ќе биде најдобриот можен мотиватор и фигура во соблекувалната“.
„Отсекогаш бил и ќе биде посебна вредност за клубот, и на теренот и во она што го прави со играчите како група. Ме импресионираше со неговата способност да се прилагоди толку брзо на новата средина. Се става пред сите, тој е нашиот громобран и тоа во град како Рим може да биде одлучувачки фактор“, заклучи Тоти.
Рома има девет бода и најдобра гол разлика по три кола, и е првиот тим во Серија А.Во неделата, како домаќин, го совлада Сасуоло со 2: 1 (1-0) во драматично финале. Тоа беше 1000-тиот натпревар за Жозе Мурињо во неговата тренерска кариера и на него славниот португалски тренер стигна до 639 победи.