Концепти

Toyota ја претстави следната генерација Prius - најчудната досега

15. јануари 2020 - 20:24 | А.С.

Јапонската компанија го претстави својот најнеобичен модел досега.

Prius веќе имаше несекојдневен дизајн, а со новата генерација Toyota отиде еден чекор понатаму и ги одушеви посетителите на Автосалонот Токио 2020.

Најновиот Ambivalent RD Prius PHV Concept е производ на заедничката соработка на двата креативни оддела на Toyota, TRD и Modellista (CarBuzz).

На автосалонот во Токио двете креативни одделенија имаа посебни павилјони, но заедно го претставија новиот Prius.

Toyota не соопшти никакви спецификации, па засега се знае само дека станува збор за Prius Prime plug-in хибрид со 121 кс.

Концептот е базиран на моделот Prius Prime, а беше претставен како мешавина на спортскиот дух на TDR и стилскиот шарм на Modellista. Ова е прв заеднички проект на двата оддела.

Не се очекуваат значајни промени во перформансите, но очигледно е дека станува збор за едно од најинтересните дизајнерски решенија на Toyota досега.

Коментирај