Иако името може да сугерира дека C-HR+ се базира на бензинскиот C-HR, тоа не е така.
Toyota додаде уште еден електричен модел во својата гама. Наречен C-HR+, овој автомобил го дели своето име со класичниот модел C-HR.
Засега, официјално е претставен само во европските спецификации и позициониран под поголемиот bZ4X во семејството EV на Toyota.
Иако името може да сугерира дека C-HR+ се базира на бензинскиот C-HR, тоа не е така.
Наместо тоа, овој модел ја користи механичката платформа e-TNGA 2.0, иста како и bZ4X. За разлика од тој модел, кој често е критикуван поради необичниот дизајн, C-HR+ е значително поелегантен и пософистициран.
Дали ќе се продава подобро од bZ4X останува да видиме, но почетокот е ветувачки.
C-HR+ има меѓуоскино растојание од 2.750 mm, што е за 102 mm пократко од Toyota bZ4X.
Од Toyota нагласуваат дека новиот модел е наменет за помлади самци и парови, додека bZ4X е дизајниран како семеен автомобил.
Бидејќи развојот на целосно нови EV модели е многу скапо, Toyota користи слични погонски единици како bZ4X.
Основниот модел во Европа доаѓа со батерија од 57,7 kWh и единечен електричен мотор кој ги движи предните тркала, кој произведува 167 КС (123 kW).
Од Toyota тврдат дека овој модел има автономија од 455 km (WLTP) и забрзува од 0-100 км/час за 8,6 секунди.
Најавена е и помоќна верзија со капацитет на батерија од 77 kWh. Оваа варијанта нуди 224 КС (165 kW), има опсег до 600 км и забрзува до 100 км/час за 7,4 секунди.
На врвот на гамата ќе биде верзијата со два мотори со погон на 4 тркала и 343 КС (252 kW).
Батеријата има капацитет од 77 kWh и домет од 525 km (WLTP). Автомобилот забрзува до 100 км/час за само 5,2 секунди.
Информациите за цените и датумот за почеток на продажбата ќе бидат објавени подоцна.
