Рускиот претседател Владимир Путин се нурна во студена вода како дел од ритуал за православниот празник Богојавление - Водици. Тој влезе во дупка во форма на крст, наполнета со студена вода, се прекрсти трипати и трипати се нурна во водата.
Кремљ го објави видеото со Путин, а портпаролот Дмитриј Песков изјави дека тоа е традиција од која претседателот не се откажува, пренесе The Moscow Times.
Ова е прво официјално видео од 68-годишниот Путин од 19 јануари 2018 година, кога беше објавено како се капе во студена вода.
Иако Песков не изјави колку степени е во моментот на снимање на видеото, според руските новинари, капењето на Путин е снимено надвор од Москва, на -20 степени Целзиусови.
