Милан синоќа го доживеа најновиот пораз во низата несреќни претставувања во изминативе години, кога изгуби од Олимпијакос во последното коло од групата во Лига Европа.
Со пораз од 3:1 на грчки терен, Милан испадна од лигата, понатаму во натпреварувањето продолжува Олимпијакос, а за да продолжи му беше доволно и да претрпи пораз, но со гол разлика.
Милан влезе во мечот со голем капитал: три бода повеќе од домаќинот и победа од 3:1 на првиот натпревар во Милано.
Требаше само да не изгуби со повеќе од еден гол разлика, но не беше способен ни за тоа.
До 60-тата минута држеше нула разлика, а потоа се сруши во 20 минути, бидејќи само толку му беа потребни за да прими дури три гола.
Првиот гол најдобро зборува за тоа во каква состојба е актуелната екипа на седумкратниот првак на Европа.
По корнерот за домашната екипа, Папе Абу Сисе остана сам пред голот на Милан.
Голманот Пепе Реина за тоа време на другата страна гледаше што се случува пред мрежата, а Гонзало Игуаин во непосредна близина на противникот кој е во најопасна позиција, го прави она што најчесто го прави изминативе години – бавен е и доцни.
Така Сисе поентираше за почетокот на крајот за Милан во Европа.
