Трајанов: Ахмети се бореше за Амандманот 6 од Уставот, сега не го почитува

Одговорноста паѓа на премиерот Димитар Ковачевски дали ќе ги почитува основните постулати на оваа држава, ќе води сметка за нашите национални, државни, долгорочни и стратешки интереси. Тоа значи дека Владата мора да води сметка за сите аспекти вклучително дали е можно да се нарушат меѓуетничките односи кои засега се добри.

Ова го истакна претседателот на Демократскиот сојуз (ДС) и пратеник во Собранието, Павле Трајанов, во интервју за МИА. Во однос на најавата за реконструкција на владиниот Кабинет со влез на Алијанса на Албанците во Владата и тоа кои партии треба да отстапат министерски места, Трајанов вели дека ДС не е оптоварен со тоа кој ќе биде носител на јавна функција, туку дека треба да се почитуваат принципите претворени во законски или уставни решенија. Според него, проблемот е во тоа што оние кои по воениот конфликт пред дваесет години преку Охридскиот договор издејствува правична застапеност, сега не го почитуваат тоа решение.

– Проблем е во тоа што Охридскиот рамковен договор којшто условно да кажам го издејствува тогаш УЧК, ОНА, каде што еден од воените или политички водачи беше Али Ахмети, сега не го почитуваат тоа решение во Договорот, а уште помалку уставната  одредба, Амандманот 6 од Уставот, каде што се инсистира на соодветна и правична застапеност на сите етнички заедници во власта и во другите институции. Натаму не се почитува, исто така, и правилото на Бадентер, не се почитува балансерот, соодветна правична застапеност на сите етнички заедници… и мораше да се реагира, бидејќи стабилноста на една држава зависи од тоа дали ќе се почитуваат принципите, договорените принципи преточени во законски договорени или уставни решенија. Затоа мислам дека оваа тема е добро што се отвора во јавноста, порача Трајанов.

Тој истакна дека не се оптоварени дали Албанец, Македонец, Србин или друг ќе биде носител на јавната функција, но, како што вели, проблем е што партиите од албанскиот политички блок се декларираат како етнички и дека тие ги застапуваат автентичните интереси на албанската заедница.

– Ако е така, треба соодветно да бидат застапени и другите заедници. Македонците како мнозински народ, како конституенти на македонската држава, се разбира не го намалувам влијанието и на другите делови од народи, сега да бидат во малцинство. Натаму, не се застапени соодветно и другите помали етнички заедници, турската, српската, влашката, ромската. Ова сега што се манифестира околу тоа кој сѐ ќе влезе во Владата, не се работи за некаков албански блок. Тие првенствено тргнуваат од партиските интереси, интересите на лидерите да бидат дел од власта. Веројатно имаат за тоа причини зошто, вели Трајанов.

Тој смета дека прашањето што се отвори за влез на Алијанса во Владата и дека тоа ќе биде на сметка на дополнителни отстапки на министерства, создало „негативно ехо во јавноста“.

– Има многу коментари, има незадоволство. Сето тоа ќе се рефлектира и на поширок план. И друга работа, ако сега се направи овој преседан во уште позаострена, форма како ќе се разрешуваат понатаму проблемите или рефлексиите од ваквата композиција на власта. Претпоставка, хипотетички да речеме, е дека партија со мнозинство македонски поддржувачи ќе има 61 пратеник. Дали ќе има реакција од албанскиот политички блок, од господинот Ахмети, од другите, зошто не се вклучат Албанците, како еве поголема етничка заедница во власта. Дали ќе може тогаш и дали ќе остане тогаш пасивна ЕУ, другите носители на високи позиции во ЕУ, нашите стратешки партнери… Каква ќе биде нивната реакција. Значи се работи за принципи кои не сакаат да ги почитуваат тогаш кога не им одговара, вели Трајанов.

Тој очекува дека ова прашање кое тие го отвориле, како и со силна медиумска поддршка, ќе се направи корекција во ставовите на СДСМ, затоа што, како што вели, не може така лесно да се поставуваат работите коишто директно го нарушуваат принципот на соодветна и правична застапеност, бидејќи кохезијата на државата, меѓу другото и внатрешната кохезија, зависи од сите овие работи како се поставуваат.

– Не е државничко однесување ако мислите дека вие ќе го проширите парламентарното мнозинство со тоа што ќе вклучувате дополнително повеќе партии од една помала етничка заедница во однос на мнозинскиот народ, а ќе го маргинализирате македонскиот народ. Значи, јас не сакам да зборувам за вакви поделби, но ние така сме конституирани како држава и мораме тоа да го респектираме, ако сакаме да имаме, условно да кажеме, мир во куќата, потенцира Трајанов.

реклама

Цвеќе кое е одлично против мувла, го чисти и воздухот, го препорачува и НАСА

Read more

Нов готвачки гаф на Бруклин Бекам - ги расипа лазањите

Read more

Нов тренд полека ја заменува порнографијата: Аудио еротика

Read more

Камерите ги побија зборовите на Алвес - Шпанците детално го опишаа силувањето

Read more

Македонија

Приведени пет лица кои сексуално злоупотребувале малолетничка од Велес и снимале порнографски материјал

Read more

Спасовски: Апелирам да не се блокираат патишта, на мирно и достоинствено чествување

Read more

Снег паѓа речиси низ цела земја, на Шапка најмногу наврна - 83 сантиметри

Read more

Облачно и студено со повремени врнежи од дожд и снег

Read more
 

Вести

Милков: Софија со нота ќе бара безбедност за Бугарите кои ќе отидат во Скопје

Читај повеќе

Приведени пет лица кои сексуално злоупотребувале малолетничка од Велес и снимале порнографски материјал

Читај повеќе

Спасовски: Апелирам да не се блокираат патишта, на мирно и достоинствено чествување

Читај повеќе

Два вагони-цистерни со фосфорна киселина се излизгаа во Зајечар

Читај повеќе

Снег паѓа речиси низ цела земја, на Шапка најмногу наврна - 83 сантиметри

Читај повеќе

Се самоуби велешанец кој тешко повреди девојка, таа се бори за живот на Клинички

Читај повеќе

Облачно и студено со повремени врнежи од дожд и снег

Читај повеќе

Ковачевски: Нема да има ценовен шок до крајот на 2023 година

Читај повеќе

Единаесет загинати и исто толку повредени во ракетниот напад во Украина

Читај повеќе