Адвокатите на американскиот претседател Доналд Трамп бараат отштета од 20 милиони долари од порно актерката Сторми Даниелс која според него го прекршила договорот со кој се обрзала да не зборува во јавноста за нивната спогодба, потпишан пред изборите во 2016 година.
Адвокатите тврдат дека Сторми го прекршила договорот најмалку 20 пати.
Актерката тврди дека имала афера со Трамп што почнала во 2006 година и траела неколку месеци.
Адвокатот на Трамп, Мајкл Коен, рече дека ѝ платил 130.000 долари негови пари за да молчи.
Ова е прв пат Трамп да биде директно вклучен во случајот. Тој „категорично ги негира“ тврдењата дека имал афера со Сторми.
Адвокатот на Сторми, чие вистинско име е Стефани Клифорд, месецов поднесе тужба за поништување на договорот со кој таа се обврзала да не зборува во јавноста за нивната врска. Тие тврдат дека договорот е невалиден бидејќи Трамп не го потпишал.
Мајкл Авенати рече дека контратужбата за отштета од адвокатите на Трамп е „невидена“ и „уште една тактика за заплашување“ против неговата клиентка.
Во документите стои дека исто така се бара случајот да се префрли од државниот во федерален суд.