Американскиот претседател Доналд Трамп во видеоповикот до астронаутите на НАСА им рече дека не би сакал да пие човечка урина наместо вода, што е пракса во американските вселенски летала.
Откако астронаутката Пеги Витсон му објасни на Трамп како се претвора човечкиот отпад во потрошен материјал, претседателот ѝ рече дека повеќе би сакал вселенските патници да ијат урина, а не тој.
„Водата е толку драгоцен ресурс тука, што ја прочистуваме нашата урина и ја претвораме во питка вода“, му објасни Витсон. „Не е така лошо како што звучи.“
„Мило ми е“, ѝ одговори Трамп. „Подобро вие отколку јас.“
Трамп преку видеоповикот ѝ честиташе на Витсон за рекордот: најдолго време поминато во вселената за американски астронаут.
Во разговорот учествуваа и астронаутите на НАСА Џек фишер и Кејт Рубинс, како и Иванка Трамп, ќерката на претседателот.
