Трамп ги критикуваше членките на НАТО: Дали САД го напуштаат сојузот?

Американскиот претседател, Доналд Трамп, на самитот на НАТО во Брисел, се закани дека САД ќе се повлече од овој воено-политички сојуз, доколку останатите членки не ја зголемат својата потрошувачка на одбрана, односно на војската.

Трамп, како што пренесуваат бројни светски медиуми, изјави дека сите членки на НАТО мораат до 2019 година да ги зголемат своите трошоци за одбрана до 2 проценти од националниот БДП, што инаку стои во официјалниот договор со НАТО, но веќе со децении ниту една членка на НАТО, освен САД, не се придржува до оваа пракса, смета Трамп.

Ако членките до следната година не ја остварат таа цел, Америка ќе мора да тргне по својот пат, наводно рекол Трамп на состанокот со лидерите на земјите членки, објави агенцијата ДПА.

Ова е сфатено како директна закана, дека САД би можеле да го напуштат НАТО, со што би се демонтирал воено-политичкиот сојуз, кој ги одредуваше односите во светот по Втората светска војна.

Трамп го напаѓаше НАТО и во претседателската кампања

Треба да се потсетиме и дека Трамп, уште во својата претседателска кампања, неколку пати ја доведуваше во прашање смислата на постоењето на НАТО, односно најавуваше дека сака да внесе радикални промени во функционалноста на тој сојуз.

Самитот на НАТО, кој моментално се одржува, започна во тензична атмосфера, бидејќи токму Трамп преку Twitter, повеќе пати ја нападна Германија, која веќе со месеци ја критикува, обвинувајќи ја дека е руски играч, поради тоа што се снабдува со гас од Русија.

НАТО е тело формирано во 1949 година, а постои и преседан за повлекување на една членка од овој воено-политички сојуз. Тоа го направи Франција, во процес кој траеше од 1958 до 1966 година, во знак на протест против американската доминација во сојузот и поради „специјалниот однос“ помеѓу САД и Велика Британија. Но, Франција подоцна се врати во НАТО, со полн капацитет.

Сепак, повлекувањето на САД од НАТО би можело да има огромни последици, бидејќи станува збор за земја, која најмногу во светот троши на војска и која е клучна за функционирањето на НАТО.

Трамп: ЕУ не е фер кон нас, а јас сум доследен гениј

За целото ова денеска на прес конференција зборуваше и самиот Трамп, во свој стил, одговарајќи на прашања на новинарите.

„Вчера им реков дека сум многу незадоволен со она што се случува и дека мораат да ги зголемат своите трошоци за војската. Сега сум позадоволен и НАТО е посилен отколку пред два дена“, рече Трамп.

На прашањето дали сојузниците во НАТО се загрижени поради неговите индиректни закани за напуштање на сојузот, тој рече дека грижа постои.

„Веројатно се загрижени, но сега ќе одделуваме средства за НАТО, кои ќе одат и до 40 милијарди долари. САД плаќаше околу 70 отсто од трошоците за НАТО, тоа не е фер. Преговараме и со Европската Унија, која е неправедна кон американските фармери“, вели Трамп.

„Мислам дека давањето на повеќе пари за војска, не им одговара на Русија. Ние носевме најголем дел од товарот, но на крај состанокот беше фантастичен, односно сите 29 членки ветија дека ќе ги зголемат своите трошоци“, одговори Трамп на прашањето, дали неговите критики на сметка на Германија одат во корист на Русија.

Потоа додаде: „Сметам дека не е потребно САД да излезат од НАТО, бидејќи членките ветија дека ќе ги зголемат трошоците за војска“.

Трамп уште еднаш се пофали дека е „доследен гениј“, па потоа се пожали дека „ЕУ не се однесува фер кон САД“.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Свет

Израел ја нападна Сирија: 38 загинаа во Алепо, меѓу кои и членови на Хезболах

Read more

Лавров: Украинскиот план е бесмислен, вклучува повлекување на нашата армија од освоените територии

Read more

Огромна дупка во Рим проголта два автомобила

Read more

Во Франција за Велигден ќе биде распоредена полиција пред секоја црква

Read more
 

Вести

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе

Силен земјотрес ја погоди Бугарија

Читај повеќе

Израел ја нападна Сирија: 38 загинаа во Алепо, меѓу кои и членови на Хезболах

Читај повеќе

Лавров: Украинскиот план е бесмислен, вклучува повлекување на нашата армија од освоените територии

Читај повеќе

Без струја дел од Карпош

Читај повеќе

Сончево и топло време со температура до 27 степени

Читај повеќе
  • play_arrow

Огромна дупка во Рим проголта два автомобила

Читај повеќе

Госпоѓиците од Авињон на сцената на Националната опера и балет

Читај повеќе