Американскиот претседател Доналд Трамп го смени државниот секретар Рекс Тилерсон, а за нов државен секретар е именуван шефот на ЦИА, Мајк Помпео.
Трамп на Twitter му се заблагодари на Тилерсон за неговата работа и рече дека новиот државен секретар ќе изврши „фантастична работа“.
„Горд сум што можам да го именувам директорот на Централната известувачка агенција, Мајк Помпео, да биде наш нов државен секретар. Мајк заврши прв во својата класа во West Point, служеше војска во САД, а дипломираше на Правниот факултет на Харвард“, напиша Трамп, претставувајќи го новиот државен секретар.
Додаде дека неговото искуство во војската, Конгресот и позицијата лидер на ЦИА, добро го подготвиле за неговата улога, односно дека го повикал бргу да одговори на неговата понуда.
„На крај, сакам да му се заблагодарам на Рекс Тилерсон за неговата работа. Тој постигна многу во текот на последните четеринаесет месеци и им го посакувам секое добро нему и неговото семејство“, напиша Трамп.