Порно ѕвездата Сторми Даниелс направила тест на детектор за лаги во 2011 година, чии резултати покажале дека ја кажува вистината во врска со аферата со американскиот претседател Доналд Трамп.
Во тестот до кој дојде CBS News, таа вели дека имала незаштитен секс со Трамп во 2006 година. Трамп, кој се ожени со Меланија во 2005 година, жестоко ги негира тврдењата дека имал афера со Даниелс.
Адвокатите на Трамп бараат 20 милиони долари од актерката во тужба во која тврдат дека Даниелс го прекршила договорот за тајност што го потпишала пред изборите во 2016, но таа тврди дека договорот е невалиден бидејќи Трамп не го потпишал.
Сторми Даниелс прв пат изјави дека имала афера со Трамп во интервју за списанието InTouch во 2011 година, а полиграф тестот бил направен за потребите на списанието Life&Style но никогаш не бил објавен. Резултатите од детектор за лаги не се прифаќаат како доказ пред суд во повеќето сојузни држави на САД.
Тестот што бил анализиран со компјутерски алгоритам, бил направен во лабораторијата за физика при Универзитетот Џонс Хопкинс.
Според спроведениот тест, актерката чие вистинско име е Стефани Клифорд, одговорила со „да“ на следните прашања:
Дали во јули, 2006 година имавте вагинален секс со Доналд Трамп?
Дали во јули, 2006 година имавте незаштитен сексуален однос со Доналд Трамп?
Дали Трамп ви рече дека ќе ве внесе во шоуто The Apprentice?
Реултатите од тестот заклучуваат дека Клифорд вистинито одговорила на прашањето дали имала незаштитен однос со Трамп.
Во интервјуто пред тестот, со полиграф испитувачот Роналд Д. Слеј, Клифорд рекла дека имала секс со Трамп на голф настан во Лејк Тахо, Калифорнија.
Резултатите покажаа дека тестот не дал конкретни резултати на прашањето дали Трамп ѝ ветил на Клифорд место во неговото реално шоу The Apprentice.
Испитувачот за Клифорд напишал дека „нема видливи индикации дека има намера да излаже“.
