Свет

Трамп именува манекенка како директорка за комуникации

17. август 2017 - 20:28 | Макфакс

Американскиот претседател Доналд Трамп ја именуваше својата блиска соработничка и бивша манекенка Хоуп Хикс за нова привремена директорка за комуникации на Белата куќа.

Хикс има 28 години и работела во компанијата на неговата ќерка Иванка Трамп.

На тоа место таа ќе го замени Ентони Скарамучи, банкар од Волстрит, кој беше експресно сменет од функцијата само по десет дена. Хикс ќе биде трета личност  на таа функција откако Трамп е на власт.

Скарамучи беше експресно сменет  откако во јавноста се појави снимен телефонски разговор со новинар, во кој Скарамучи од позицијата директор за комуникации грубо се нафрла врз шефот на кабинетот на Белата куќа, Рајнс Прибус, а не го поштедува од навреди и советникот на Трамп за стратешки прашања, Стив Банон.

Поради неговото поставување на функцијата директор за комуникации, оставка поднесе портпаролот на Белата куќа, Шон Спајсер кој подоцна призна дека бил против, а медиумите во САД тврдеа дека против биле и Прибус и Банон.

Коментирај