Свет

Трамп: Мојата посета беше најинтересен настан за кралицата во последниве 25 години

16. јуни 2019 - 10:59 | МИА/КАЈГАНА

Лондон, 16 јуни 2019 (МИА) – Американскиот претседател Доналд Трамп изјави дека неговата неодамнешна посета на Лондон претставувала најинтересен настан за британската кралица Елизабета Втора во изминативе 25 години, објави лондонскиот весник Mirror.

„Имаме одличен однос, се смеевме и се забавуваме. Нејзините луѓе велат дека не се забавувала толку во изминативе 25 години. Тогаш ме критикуваа затоа што рекоа дека премногу се забавуваме“, изјави Трамп во гостување во емисијата Fox and Friends на телевизијата Fox.

Mirror посочува дека во изминативе 25 години кралицата Елизабета одбележа златен и дијамантски јубилеј, ги прослави свадбите на своите внуци и раѓањата на правнуците, посети многу држави и се сретна со голем број лидери, но, како што нагласува, според Трамп, таа никогаш не се забавувала како за време на неговата посета.

Коментирај