Американскиот претседател Доналд Трамп вчера официјално упати наредба до Пентагон да формира шеста гранка на Американската војска – за во вселената. Во неговото обраќање пред Нацоналниот совет за вселенски прашања во Белата куќа, Трамп повика на формирање на „вселенски борбени сили“ за да се осигура американската доминација на овoj „фронт“.
Трамп исто така ја потпиша третата Директива за вселенски прашања на неговата администрација со која ќе се воспостават нови процедури и протоколи за управување и следење на сѐ поголемиот број сателите во ниската орбита на Земјата и на десетиците илјади парчиња вселенски отпад кои претставуваат опасност за скапите вселенски летала.
Трамп ги пофали Националниот совет за вселенски прашања и претседавачот на тој совет, потпретседателот на САД Мајк Пенс, за нивните заложби за обновување на фокусот на вселенските прашања, додавајќи дека “со години, нашите соништа за откривање и истражување на вселената беа потиснати од политика и бирократија, а ние сега тоа го решивме“.
„Мојата администрација го враќа имиџот на САД како најголемата нација на светот во освојувањето на вселената“, рече Трамо
Тој рече дека кога станува збор за одбрана на Америка, „не е доволно американско присуство во вселената, мора да има американска доминација во вселената.“
Трамп најави и како ќе функционира шестата гранка на одбраната на САД.
“Ќе имаме Воздухопловни борбени сили и Вселенски борбени сили, двете гранки ќе бидат одделни, но еднакви.“
