Американскиот претседател Доналд Трамп изјави дека САД нема да ја затворат земјата доколку бидат погодени со втор бран на вирусот.
– Ќе се обидеме да го изгаснеме пожарот, без разлика дали станува збор за пожар или за пламен, но нема да ја затвориме земјата, рече Трамп за време на посетата на фабриката на Ford во Мичиген, пренесе CBS.
Трамп претходно изјави дека епидемијата сè уште може да тлее на некои места, но дека вирусот ќе исчезне во текот на летото.
Сепак, според медицинските експерти, вклучително и оние од администрацијата на Трамп, ширењето на коронавирусот најверојатно ќе продолжи и во текот на есента и зимата, а борбата ќе стане уште потешка кога ќе започне сезоната на грип.
Директорот на Националниот институт за алергија и заразни болести и член на кризниот штаб на Белата куќа за коронавирусот, Ентони Фалучи за Washington Post изјави дека нема сомнеж дека ќе има нов бран на епидемијата.