Американскиот претседател Доналд Трамп повторно ја нападна Кина на Twitter, поради пандемијата на коронавирусот. Тој ја обвини Кина дека нејзината неспособност довела до „масовно убиство“ ширум светот.
Како што напиша Трамп, „некој лудак во Кина тукушто објави соопштение во кое ги обвинува сите, освен Кина, за вирусот кој усмрти стотици илјади луѓе“.
„Ве молам, објаснете му на овој глупак дека „неспособноста на Кина“ и ништо друго доведе до масовно убиство ширум светот“, напиша Трамп.
Според најновите податоци, над 5 милиони луѓе се позитивни на коронавирусот во светот. Најпогодена земја се САД, со над 1,6 милиони заразени и 94.946 смртни случаи. По неа следува Русија со 308.705 заразени и 2.972 смртни случаи. Ново жариште е Бразил, со 293.357 заразени и 18.894 починати од последици на COVID-19.
