Претседателот на САД Доналд Трамп ја предупреди Јапонија, каде ја започна „маратонската“ азиска турнеја, истакнувајќи дека ниту еден диктатор не би требало да ги потцени Соединетите Американски Држави.
„Во текот на минатото бевме потценувани. Не поминаа добро зарем не? Никогаш нема да попуштиме, никогаш нема да се откажеме од одбрана на нашиот народ, нашата слобода и големото американско знаме“, изјави Трамп од Јапонија.
Трамп после Јапонија ќе ја посети и Јужна Кореја, главниот сојузник на САД во напорите да се елиминира нуклеарната програма на Северна Кореја.
Тој во текот на летото за новинарите изјави дека веројатно ќе се сретне и со претседателот на Русија, Владимир Путин во текот на својата турнеја, во време кога меѓународната заедница бара решение за севернокорејската криза.
Се очекува нивната средба да биде реализирана во рамките на самитот на азиско – пацифичките земји кој наредните денови ќе биде одржан во Виетнам.
„Мислам дека е очекувано да се сретнам со Путин. Потребна ми е неговата помош во однос на Северна Кореја и ќе се сретнеме со многу лидери“, изјави Трамп, додавајќи дека Северна Кореја претставува голем проблем за САД и сака да го реши.
Тој изјавил дека народот во Северна Кореја е прекрасен и вреден и дека се многу попријатни од она што остатокот на светот го мисли за нив.