Свет

Трамп: Одобрувањето на обвиненијата е срамота

13. декември 2019 - 20:08 | МИА

Вашингтон, 13 декември 2019 (МИА) – Американскиот претседател Доналд Трамп изјави дека нема да му пречи долготрајно судење во американскиот Сенат.

Тој пред новинарите во Белата куќа изјави дека сака да ги види „свиркачите“ чија жалба ги поттикна демократите да започнат истрага за повлекување.

Откако Судскиот комитет во Претставничкиот дом одобри два члена за импичмент, Трамп го опиша процесот како „срамота“, велејќи дека демократите го тривијализираа повлекувањето.

Комитетот на Претставничкиот дом на САД ги одобри обвинувањата за злоупотреба на службената должност и опструкции против американскиот претседател.

Конгресниот судски комитет гласаше со 23 „за“ наспроти 17 „против“ за да го одобри обвинението со кое Трамп се товари дека ја злоупотребил службената должност за да изврши притисок врз Украина да го истражи политичкиот ривал, демократскиот кандидат Џо Бајден и неговиот син Хантер, кој работел во украинска енергетска компанија.

Комисијата, исто така, одобри уште едно обвинение со кое Трамп се товари за опструкција на Конгресот.

Претходно, Комитетот одобри посебно обвинение со кое Трамп се обвинува за злоупотреба на моќта за обидот да ја натера Украина да го истражи Џо Бајден.

Одобрувањето на обвиненијата за импичмент од страна на Комитетот ја поставува основата за гласање од страна на целиот Претставнички дом следната недела, со што ќе заврши процесот на отповикување. Тоа значи дека во рок од неколку недели Трамп ќе се најде на судење во Сенатот, кој е под контрола на републиканците.

Коментирај