Повторувајќи ги зборовите на францускиот владетел Наполеон Бонапарта, американскиот претседател Доналд Трамп вчера се огласи на социјалните мрежи.
„Оној кој ја спасува својата земја не крши ниеден закон“, објави републиканецот Трамп на својата социјална мрежа Truth Social. Оваа изрека му се припишува на францускиот војсководец кој го создал Наполеоновиот законик за граѓанско право во 1804 година, пред да се прогласи за цар.
Објавата на Трамп веднаш наиде на критики кај демократите.
„Како што би рекол вистински диктатор“, напиша сенаторот Адам Шиф од Калифорнија, долгогодишен противник на Трамп, на X.
Spoken like a true dictator. https://t.co/XXfxnotx2f
— Adam Schiff (@SenAdamSchiff) February 15, 2025
Трамп, кој ја презеде функцијата на 20 јануари, почна да издава широк спектар на извршни дејствија кои најверојатно ќе завршат во Врховниот суд на САД, каде што ќе се направи конечна проценка за нивната законитост. Некои тужби го обвинуваат Трамп за узурпирање на овластувањата на Конгресот со што го прекршил Уставот на САД.
Додека Трамп рече дека ги почитува судските одлуки со кои привремено ја суспендира неговата наредба, неговите советници ги нападнаа тие судии на социјалните мрежи и повикаа на нивно импичмент. Потпретседателот Џеј-Ди Венс на X оваа недела напиша дека на судиите не им е дозволено да ја проверуваат легитимната моќ на извршната власт.
If a judge tried to tell a general how to conduct a military operation, that would be illegal.
— JD Vance (@JDVance) February 9, 2025
If a judge tried to command the attorney general in how to use her discretion as a prosecutor, that's also illegal.
Judges aren't allowed to control the executive's legitimate power.
Адвокатот од Вашингтон, Норм Ајзен, кој, како и Шиф, работеше на првото од двете судења за импичмент на Трамп, рече дека адвокатите на Трамп постојано изјавиле дека ако претседателот прави нешто, тоа не може да биде незаконско. Изреката на Наполеон, рече Ајзен, ги оправдува незаконските дејствија.
„Ова е провокација“, рече тој.
