Претседателот на САД, Доналд Трамп, прогласи состојба на природна катастрофа во Порторико.
На овој начин тој овозможи деблокада на федералните средства за помош на овој остров кој беше тотално уништел после ураганот Марија.
„Претседателот Доналд Трамп вчера прогласи природна катастрофа на на територијата на Порторико и нареди доделување на федерална помош на локалните спасувачки служби“, соопшти утрово Белата куќа.
Овие федерални средства вклучуваат и позајмица за поправка на домовите, изградба на привремени засолништа или паричен надоместок на неосигураните лица поради изгубени материјални добра.
Ураганот Марија чија јачина варира меѓу четврта и максималната петта категорија, го погоди Порторико вчера наутро и го остави овој остров без струја, а на островите Гвадалупе и Доминика одзеде и 10 животи.